Գլխավոր ԵՐԵւԱՆ Գերիների վերադարձը շահարկելն անթույլատրելի է. այդպիսով միայն բարձրացնում են նրանց վերադարձի «գինը»....

Գերիների վերադարձը շահարկելն անթույլատրելի է. այդպիսով միայն բարձրացնում են նրանց վերադարձի «գինը». ՄԻՊ

0

Նախընտրական քարոզարշավի ընթացքում Ադրբեջանում ապօրինի պահվող գերիների վերադարձի հարցերը շահարկելն անթույլատրելի է` այն էլ խոսելով այլ մարդկանցով գերիների փոխանակումների ու փոխանակվելու պատրաստակամության մասին:

Այս մասին գրառում է կատարել ՀՀ մարդու իրավուքնների պաշտպան Արման Թաթոյանը՝ նշելով, որ ակնհայտ է՝ նման բան տեղի ունենալ չի կարող, իսկ շահարկումները միայն ավելացնում են լարվածությունը երկրում և ավելի են բարդացնում գերիների վերադարձը. այդ կերպ ադրբեջանական իշխանությունների համար պարզապես բարձրացվում է գերիների վերադարձի «գինը»:

«Եվ, իհարկե, դա բացահայտ անհարգալից վերաբերմունքի է գերիների ու նրանց ընտանիքների անդամների, նրանց զգացմունքների նկատմամբ:

Ուստի, բոլորից պահանջում եմ ամբողջությամբ դադարեցնել գերիներին վերադարձի հարցերի շահարկումը:

Պետք է ոչ թե շահարկումներով բարդացնել գործընթացը, այլ իրական ջանքեր ներդնել Ադրբեջանում անօրինական գերության մեջ գտնվող մեր հայրենակիցների վերադարձի համար»,-գրել է Թաթոյանը:

Մեկնաբանել