Գլխավոր ԵՐԵւԱՆ Փաստաբանների պալատը նոր նախագահ ունի

Փաստաբանների պալատը նոր նախագահ ունի

0

Փաստաբանների պալատի նախագահ է  ընտրվել Սիմոն Բաբայանը: Այս մասին  իր ֆեյսբուքյան էջում գրել է ՀՀ փաստաբանների պալատի նախագահի թեկնածու Գեւորգ Գյոզալյանը:

«Հարգելի փաստաբաններ, սիրելի ընկերներ,
ավարտվեցին ՀՀ փաստաբանների պալատի նախագահի ընտրությունները: Գործող 2352 փաստաբաններից, նախնական տվյալներով քվեարկությանը մասնակցել են 1111-ը: Կրկին նախնական տվյալներով փաստաբաններից ինձ իրենց քվեն է վստահել 144 փաստաբան:

Խորապես զգացված եւ շնորհակալ եմ այն 144 փաստաբաններին, որոնք ինձ ընտրելով ընտրել են փոփոխությունները, ո՛չ են ասել լճացմանը, ո՛չ են ասել կուսակցականացված փաստաբանական պալատին: Սեղմում եմ ձեզանից յուրաքանչյուրի ձեռքը, կրկին անգամ շնորհակալ եմ ձեզ: Ես ձեզ չեմ զանգել ոչ այն պատճառով, որ մեծամիտ եմ, այլ, որ հավատում եմ գաղափարին, այն գաղափարին, որ դուք ինքներդ կտեսնեիք փոփոխությունների կարիքը, շնորհակալ եմ, որ «զոհելով» ձեր կիրակին եկել եք ընտրության եւ ձեր քվեի միջոցով փորձել եք ունենալ ձեր երազանքների պալատը: Այս գիտակցումն ինձ համար ոչ միայն ուրախալի եւ պարտավորեցնող է, այլեւ լուրջ ազդակ է ընտրված թեկնածուի համար:

Շնորհավորում եմ ընտրված թեկնածու Սիմոն Բաբայանին: Հուսով եմ, որ նա կարդարացնի այն 937 փաստաբանի ակնկալիքները, որոնք իրենց ձայնը տվել են իրեն: Միաժամանակ հուսով եմ, որ նա կցանկանա եւ ի զորու է ապակուսակցականացնելու փաստաբանների պալատը:

Ամենայն հարգանքով
Գեւորգ Գյոզալյան»,- գրել է նա:

Մեկնաբանել