Գլխավոր Հասարակություն Ադրբեջանական կողմը վերադարձրել է ՀՀ 2 քաղաքացիներին․ ԱԱԾ

Ադրբեջանական կողմը վերադարձրել է ՀՀ 2 քաղաքացիներին․ ԱԱԾ

0

ՀՀ ԱԱԾ եւ ՌԴ ԱԴԾ սահմանապահների կողմից իրականացված աշխատանքների արդյունքում ժամը 23:45-ին ադրբեջանական կողմը վերադարձրել է Գորիս-Որոտան ճանապարհահատվածում անհետացած անձանց: Այս մասին հայտնում են ԱԱԾ-ից։

«Սույն թվականի սեպտեմբերի 19-ին ՀՀ ազգային անվտանգության ծառայությունը հաղորդագրություն էր տարածել այն մասին, որ ՀՀ Կոտայքի մարզի Քասախ համայնքի երկու բնակիչներ Գորիս-Որոտան ճանապարհահատվածով երթեւեկելիս շեղվել են մայրուղուց եւ հայտնվել Ադրբեջանի վերահսկողության տակ գտնվող տարածքում:

Տեղեկացնում ենք, որ ՀՀ ԱԱԾ եւ ՌԴ ԱԴԾ սահմանապահների կողմից իրականացված աշխատանքների արդյունքում ժամը 23:45-ին ադրբեջանական կողմը վերադարձրել է վերոհիշյալ անձանց»,-նշվում է հաղորդագրության մեջ:

Ավելի վաղ ԱԱԾ-ից հայտնել էին, որ սեպտեմբերի 18-ին, ժամը 21:00-ի սահմաններում ՀՀ ազգային անվտանգության ծառայությունում տեղեկություններ են ստացվել առ այն, որ նույն օրը ՀՀ Կոտայքի մարզի Քասախ համայնքի երկու բնակիչներ (տվյալները հայտնի են) Գորիս-Որոտան ճանապարհահատվածով երթեւեկելիս շեղվել են մայրուղուց եւ հայտնվել են Ադրբեջանի վերահսկողության տակ գտնվող տարածքում:

Մեկնաբանել