.jpg)
ՆԳՆ ոստիկանությունը տեսանյութ է հրապարակել վերջերս Լոռու մարզում բացահայտված ու վնասազերծված հանցավոր խմբի գործունեության ու իրավապահների աշխատանքի մասին: Քրեական ոստիկանության գլխավոր եւ Լոռու մարզային վարչությունների ծառայողները համատեղ ձեռնարկած ծավալուն օպերատիվ-հետախուզական միջոցառումների արդյունքում պարզել են, որ մի խումբ անձինք, ստեղծելով հանցավոր խումբ եւ ձեռք բերելով ապօրինի զենք-զինամթերք, նախապատրաստել են սպանություններ, կատարել ավազակային հարձակում եւ բնակարանային գողություններ:
Միջամտելով տարբեր անձանց միջանձնային ու ֆինանսական խնդիրներին՝ դիմել են, այսպես կոչված, քրեական հեղինակության բարձրագույն կարգավիճակ ունեցող անձանց, ինչպես նաեւ մասնակցել են քրեական ենթամշակույթ կրող խմբավորման հավաքներին ու գործողություններին:
Նախաձեռնվել է քրեական վարույթ։ Հանցավոր խմբի անդամներին մեղադրանքներ են առաջադրվել սպանության նախապատրաստության, սպանության փորձի, քրեական ենթամշակույթ կրող խմբավորմանը մասնակցելու, ապօրինի զենք-զինամթերք կրելու, խուլիգանության, ավազակության, գողության, գույք ոչնչացնելու կամ վնասելու եւ թմրամիջոցներ իրացնելու հատկանիշներով:
Ձեռնարկած օպերատիվ-հետախուզական միջոցառումների արդյունքում հանցավոր խմբի անդամները հայտնաբերվել եւ ձերբակալվել են։
Քննչական կոմիտեի ծառայողների հետ համատեղ կատարված խոշորամասշտաբ խուզարկություններով նրանց բնակության վայրերում հայտնաբերվել են ապօրինի զենք-զինամթերք եւ թմրամիջոցներ:
Հանցավոր խմբի 10 անդամի նկատմամբ հարուցվել է հանրային քրեական հետապնդում:
Կատարվում է նախաքննություն։
0 Մեկնաբանություն