.jpg)
Մայիսի 16-ին՝ Գավառի Լեւոն Քալանթարի անվան պետական դրամատիկական թատրոնում առաջնախաղ էր։ Լեփ-լեցուն դահլիճում ներկայացվեց Արմեն Բայանդուրյանի «Աշնանային իրիկնամուտ» ներկայացումը։ Այն բեմադրել էր թատրոնի երիտասարդ դերասան Վարուժան Մաթեւոսյանը։
Օրը խորհրդանշական էր նաեւ նրանով, որ դահլիճում էր նաեւ պիեսի հեղինակ` Թբիլիսիի Պետրոս Ադամյանի անվան հայկական պետական դրամատիկական թատրոնի գեղարվեստական ղեկավար Արմեն Բայանդուրյանը։ Նա, ինչպես նաեւ թատրոնի գլխավոր ռեժիսոր Արմեն Դալլաքյանը, ներկայացման բեմադրիչ Վարուժան Մաթեւոսյանը։
Ներկայացումից հետո թատրոնի ստեղծագործական խումբը քննարկում ունեցավ հեղինակի հետ։
Մոտ 7 ամիս է, ինչ Արմեն Դալլաքյանն ընդունեց թատրոնի տնօրեն Հայկ Ղափանցյանի առաջարկն ու տեղափոխվեց աշխատելու Գավառում։ «Իհարկե, հեշտ չէ՝ աշխատել է պետք, ու կարծում եմ, հանդիսատեսը կզգա թատրոնի խաղացանկի փոփոխությունները»,-այն ժամանակ լրագրողների հետ զրույցում ասել էր Արմեն Դալլաքյանը։
Ի դեպ, մեկ ամիս առաջ թատրոնի ստեղծագործական խումբը հանդիսատեսի դատին հանձնեց Հայկ Հակոբյանի «Չմոտենանք ինձ, տիկի՛ն» պիեսը։
Միաժամանակ՝ համագործակցության հուշագիր ստորագրվեց Թբիլիսիի Պետրոս Ադամյանի անվան հայկական դրամատիկական թատրոնի եւ Գեղարքունիքի մարզի Լեւոն Քալանթարի անվան պետական դրամատիկական թատրոն միջեւ։ Կողմերի հավաստմամբ՝ այս համագործակցությունը միտված է ամրապնդելու հայ թատերական արվեստի կապերը, ստեղծագործական նոր ծրագրերի իրականացմանը, մշակութային փոխանակումների զարգացմանն ու թատրոնի սիրահարների համար նոր բեմական հնարավորությունների ստեղծմանը։
How to Share With Just FriendsHow to share with just friends.
Posted by Facebook on Friday, December 5, 2014
0 Մեկնաբանություն