.jpg)
Ջեյ Դի Վենսը Բաքվում քննարկել է բանտարկյալների ազատ արձակման հարցը, Իլհամ Ալիեւի հետ նրա վկայակոչելով ԱՄՆ փոխնախագահի մամուլի խոսնակին՝ տեղեկացնում է «Ազատություն» ռադիոկայանը։
«Նախագահ Ալիեւը եւ փոխնախագահ Վենսը քննարկել են նախագահ Թրամփի՝ Հայաստանում եւ Ադրբեջանում խաղաղություն հաստատելու նախաձեռնության հաջորդ քայլերը։ Նրանք կենտրոնացել են առեւտրի եւ բարգավաճման, տեխնոլոգիաների եւ դիվանագիտական կապերի վրա, նաեւ խոսել են հաջորդ քայլերի մասին, այդ թվում՝ Միջազգային խաղաղության եւ բարգավաճման Թրամփի ուղու (TRIPP) համար պայմանագրերի կնքման եւ թույլտվությունների, ինչպես նաեւ վստահության ամրապնդման միջոցառումների, ինչպիսիք են բանտարկյալների ազատ արձակումը, ամերիկյան ներդրումները եւ տարածաշրջանային տնտեսական ինտեգրացիան», - փոխանցել է փոխնախագահի խոսնակը։
Ամերիկյան կողմը, սակայն, չի մանրամասնել՝ ինչ արձագանք է եղել ադրբեջանական կողմից, եւ կան արդյոք այս հարցով պայմանավորվածություններ։
Ջեյ Դի Վենսը Երեւանում թռիչքից առաջ խոստացել էր Բաքվում բարձրացնել հայ գերիների հարցը:
0 Մեկնաբանություն