Ըստ BBC-ի՝ Իռլանդիան, Իսլանդիան, Իսպանիան, Նիդեռլանդները եւ Սլովենիան հրաժարվել են մասնակցել «Եվրատեսիլ 2026»-ին, նաեւ հեռարձակել մրցույթը ազգային հեռուստատեսությամբ։ Նույն աղբյուրի հավաստմամբ, այդ երկրները տարբեր պատճառներ ունեն մասնակցությունից հրաժարվելու համար, բայց բոլորն էլ կապված են Իսրայելի հետ։
Բոյկոտողները մեղադրում են Իսրայելին Գազայի հատվածում ցեղասպանության եւ ռազմական հանցագործությունների մեջ, միեւնույն ժամանակ հեռուստաալիքները կարծում են, որ Իսրայելի, ինչպես նաեւ Ուկրաինայի մասնակցությունը ստեղծում է անհավասար պայմաններ մյուս մասնակիցների համար։
«Հակամարտության մեջ գտնվող երկիրը ստեղծում է ավելի մեծ մրցակցություն: Պետք է ստեղծվեն հավասար մրցակցային պայմաններ»- BBC-ին ասել է հեռուստաընկերության բարձրաստիճան պաշտոնյան, որը ցանկացել է անանուն մնալ։
Նշենք, որ «Եվրատեսիլ 2026»-ի երկու կիսաեզրափակիչները կանցկացվեն մայիսի 12-ին եւ 14-ին: Եզրափակչում, որը տեղի կունենա Վիեննայի Շտադհալեի բեմում շաբաթ օրը՝ մայիսի 16-ին, հեռուստադիտողները կտեսնեն այս տարվա մրցույթին մասնակցող 35 երգիչներից 25-ին։
Հայաստանը կներկայացնի երգիչ Սիմոնը՝ «Paloma Rumba» երգով։ Նա կմրցի երկրորդ կիսաեզրափակչում՝ մայիսի 14-ին։
0 Մեկնաբանություն