Վերջին օրերին, ըստ Գորիսում շրջանառվող տեղեկությունների՝ մի խումբ կանայք կասկածվում են խոշոր չափերի թմրամիջոցների ապօրինի իրացման մեջ։ Տարածվող խոսակցություններում նշվում են նաեւ հանրությանը հայտնի եւ հեղինակություն ունեցող անձանց անուններ։
Այս մասին գրում է «Goris Today»-ը ու նշում, որ ըստ շրջանառվող լուրերի, այդ կանայք իբր ներգրավված են քրեական վարույթի շրջանակում, եւ նրանց նկատմամբ, իբրեւ թե, կիրառվել է խափանման միջոց՝ տնային կալանք։
ՀՀ ներքին գործերի նախարարությունից «Goris Today»-ին տեղեկացրին, որ նման որեւէ գործ չի քննվում եւ որեւէ վարույթ նախաձեռնված չէ։
Նույն պատասխանը տվել է նաեւ ՀՀ քննչական կոմիտեն՝ տեղեկացնելով, որ նման գործով նախաձեռնված վարույթ չկա։
0 Մեկնաբանություն