Վրաստանում տեղի է ունեցել երկրի նոր Կաթողիկոս‑Պատրիարքի ընտրությունը՝ գրեթե կես դարի ընթացքում առաջին անգամ: Իրադարձությունը կարող է ազդել ոչ միայն Վրաց Ուղղափառ Եկեղեցու (ՎՈՒԵ) ներքին գործընթացների, այլեւ երկրի զարգացման քաղաքական վեկտորի վրա՝ նշում է BBC-ն:
Վրաց Ուղղափառ Եկեղեցու ընդլայնված խորհուրդը Վրաստանի 142-րդ Կաթողիկոս-Պատրիարք, նոր հոգեւոր առաջնորդ է ընտրել է Նորին Սրբություն Շիոյին: Իլիա II-ի մահից հետո ՎՈՒԵ-ն կգլխավորի 57-ամյա մետրոպոլիտ Շիոն: Զգուշավոր, ոչ հրապարակային եւ պահպանողական՝ այսպես են ներկայացնում Վրաստանի նոր հոգեւոր առաջնորդին: Նա հազվադեպ է հարցազրույցներ տալիս լրագրողներին, ավելի հաճախ հայտնվում է միջոցառումներին՝ իշխանության ներկայացուցիչների շրջապատում։
2017 թվականի նոյեմբերի 23-ին Շիո եպիսկոպոսը նշանակվել է պատրիարքական գահի տեղապահ, 2018 թվականի հունիսի 21-ին Սուրբ Սինոդի նիստում նրան շնորհվել է սկուֆիայի վրա ադամանդե խաչ կրելու իրավունքը:
Խորհրդի նիստը կայացել է Թբիլիսիի Սուրբ Երրորդություն մայր տաճարում: Քվեարկությանը մասնակցել է Սինոդի 38 անդամից 22-ը կողմ են քվեարկել, մեկ ձայն չեղարկվել է։
Եկեղեցական հավաքին մասնակցել է մոտ 1200 պատվիրակ: Նիստը ներառել է պատրիարքական գահի թեկնածուների ուղերձները, ինչպես նաեւ տարբեր թեմեր ներկայացնող պատվիրակների ելույթները:
Նշենք, որ կաթողիկոս-պատրիարքի թեկնածուներն էին՝ Պատրիարքական գահի տեղապահ, Սենակիի եւ Չխորոծկուի մետրոպոլիտ Շիոն, Մրովելիի եւ Ուրբնիսիի մետրոպոլիտ Հոբը եւ Փոթիի ու Խոբիի մետրոպոլիտ Գրիգոլը:
0 Комментарий