ՀՀ առողջապահության նախարար Անահիտ Ավանեսյանի մամուլի խոսնակ Մարիամ Ծատրյանը ֆեյսբուք սոցիալական ցանցում գրառում է արել․
Սամվել Կարապետյանի կուսակիցներից մեկն այս օրով «ուժեղ» սուտ է հորինել, որը ցավոք, տարածվում է նաեւ որոշ լրատվամիջոցներում: Տարածված լուրը, թե իբր ընտրությունների հենց հաջորդ օրը փակվելու է Մեղրիի բժշկական կենտրոնը, իրականության հետ որեւէ աղերս չունի, աբսուրդային է եւ մոլորեցնող:
Շատ կտխրե՞ք, որ ասեմ նախարար Անահիտ Ավանեսյանի` ոլորտի կառավարման այս շրջանում Մեղրիի ԲԿ-ում կտեղադրվի ժամանակակից ԿՏ սարք, կբացվի հեմոդիալիզի ծառայություն, մինչեւ մայիս կներդրվի շտապօգնության նոր որակի ծառայություն, կառուցվում է դիահերձարանի մասնաշենքը, սարքավորումներով հագեցել են գրեթե բոլոր բաժանմուքները, մեկ ծնունդի դիմաց փոխհատուցվող գումարը, ի տարբերություն այլ համայնքների, Մեղրիի պարագայում փոխհատուցվում է 2 գործակցով (2х):
Ի դեպ, նոր բուժկենտրոն ենք նախատեսում կառուցել Գորիսում, առաջիկայում կբացենք Սիսիանի մարզային նշանակության ԲԿ-ն, Կապանում վերանորոգման փուլում է պոլիկլինիկան, Կապանի ԲԿ-ն հագեցվել է նոր ԿՏ-ով , առաջիկայում կունենա մամոգրաֆի կաբինետ եւ այդպես շարունակ...
Ավելին` այս տարի շահագործման կհանձնվեն համայնքային 29 ամբուլատորիաներ, որոնք գրեթե կապ չեն ունենալու «գյուղի ամբուլատորիա» ասված մինչ այժմ մեր տեսածի հետ։ Դուք` չգիտեմ, բայց մեղրեցիներս լավ ենք հիշում ոչ վաղ անցյալի Մեղրի ԲԿ-ի «կառավարման էպոխան» :
0 Մեկնաբանություն