Սյունիքի մարզպետի տեղակալն ու խորհրդականը Տաթեւ ու Տեղ էին այցելել
Սյունիքի մարզպետ Ռոբերտ Ղուկասյանի հանձնարարականով մարզպետի աշխատակազմի պաշտոնյաները պարբերաբար հանդիպումներ են անցկացնում Լեռնային Ղարաբաղից բռնի տեղահանված եւ Սյունիքի մարզում բնակություն հաստատած քաղաքացիների հետ։ Այս մասին Marzer.am-ը տեղեկանում է Սյունիքի մարզպետի աշխատակազմի ֆեյսբուքյան էջից։
Սեպտեմբերի 6-ին մարզպետի տեղակալ Նարե Ղազարյանը եւ խորհրդական Նվարդ Հարությունյանը հանդիպել են Տեղ եւ Տաթեւ համայնքներում հաստատված մեր հայրենակիցների հետ։
Հանդիպման ընթացքում քննարկվել են տեղահանվածներին հուզող խնդիրները, արձանագրվել նրանց բարձրաձայնած հարցերը, որոնք լրացուցիչ կուսումնասիրվեն, ներկայացվել պետական աջակցության ծրագրերը, ստեղծվել հետադարձ կապի արդյունավետ մեխանիզմ։
Հանդիպումները կշարունակվեն մարզի մյուս համայնքներում։
Սրբազան պայքարը ակտիվանում է․«Հրապարակ»
«Հրապարակ»-ը գրում է
Սրբազան շարժումը կրկին ակտիվ փուլ է մտնում։ Բագրատ սրբազանը կիրակի օրը հավաք է նախաձեռնել՝ քաղաքական ուժերի մասնակցությամբ, օրակարգում քաղաքական խորհրդի ձեւավորումն է։ Աջակից կուսակցությունների հետ լայն ֆորմատով վերջին հանդիպումը եղել է հուլիսի 3-ին, այդ օրը սրբազանն առաջարկել է քաղաքական խորհուրդ ձեւավորել՝ շարժման մասնակից կուսակցությունների ներկայացուցիչներից, որը կլինի խորհրդատվական մարմին։ Սակայն առարկություններ են հնչել՝ պայքարի առաջնորդների չկանոնակարգված գործողությունների, չհստակեցված նպատակների վերաբերյալ, ուստի բաժանվել էին, որ հետագայում հանդիպեն, երբ արդեն կլինի հստակ քաղաքական պլատֆորմ։
Կիրակի օրվա հավաքը կայանալու է «Անի» հյուրանոցում։ Իսկ այսօր պանելային քննարկում են կազմակերպել՝ «Դեպի կայուն եւ երկարաժամկետ խաղաղություն» խորագրով։ Սեպտեմբերի 22-ին էլ Բագրատ սրբազանը համալիրում կհանդիպի պայքարի ավելի քան 10 հազար ակտիվիստների հետ։