Այսօր՝ օգոստոսի 13-ին, Սյունիքի մարզի ընդհանուր իրավասության դատարանի դատավոր Գոռ Գասպարյանի նախագահությամբ մեկնարկեց  Տաթեւի վարչական  ղեկավար Գոռ Մինասյանի  ու նույն գործով մեղադրյալ Գեւորգ Հարությունյանի նկատմամբ հարուցված քրեական վարույթով  նախնական դատալսումները։

Գեւորգ Հարությունյանին մեղադրանք է առաջադրվել ՀՀ քրեական օրենսգրքի երեք հոդվածների հատկանիշներով․ 171 հոդվածի 2-րդ մասի 5-րդ կետ (առողջությանը թեթեւ վնաս պատճառելը՝ մի խումբ անձանց կողմից), 207 հոդվածի 1-ին մաս (բնակարանի անձեռնմխելիությունը խախտելը), 297 հոդվածի 2-րդ մասի 1-ին կետ (խուլիգանությունը, որը կատարվել է մի խումբ անձանց կողմից ): 

Գոռ  Մինասյանին նույնպես երեք հոդվածով է  մեղադրանք առաջադրվել՝ 171 հոդվածի 2-րդ մասի 5-րդ կետ, 297 հոդվածի 2-րդ մասի 1-ին կետ եւ 264 հոդվածի 2-րդ մասի 5-րդ կետ (գույքը ոչնչացնելը կամ վնասելը, որը կատարվել է խուլիգանական դրդումներով):

Դատարանը երկու մեղադրյալների կալանավորումը երկարաձգեց երկու ամսով։ Քաղաքացիները հավաքվել էին դատարանի շենքի առաջ։

Դատական նիստը ներկայացնում ենք ֆոտոշարքով, իսկ մանրամասները՝ առաջիկայում։