.jpg)
Հոկտեմբերի 25-ին կայանալիք Մեղրի ավագանու ընտրություններում կառավարող ուժի՝ «Քաղաքացիական պայմանագիր» կուսակցության ընտրացուցակը գլխավորում է գործարար Սերգո Գալստյանը։ Նա ֆեյսբուքյան իր էջում գրառում է կատարել՝ քարոզարշավի շրջանակում բարի ընթացք մաղթելով թե՛ իրենց թիմին, թե ընտրապայքարի մեջ մտած բոլոր ուժերին։
«Մեղրի համայնքի սիրելի՛ բնակիչներ
Մեկնարկում է Մեղրի համայնքի ավագանու ընտրությունների քարոզարշավը, ու շատերը, թերևս, տեղյակ են, որ գլխավորում եմ «Քաղաքացիական պայմանագրի» ընտրացուցակը։
Պատրաստակամ եմ՝ իմ ու կառավարող ուժի անունից պատասխանատվություն ստանձնել հանուն Մեղրիի, որի ապագան ինձ համար շատ կարևոր է։ Իհարկե, ավագանու թեկնածուների հետ լինելու ենք բոլոր բնակավայրերում՝ ներկայացնելով Մեղրի համայնքի զարգացման մեր տեսլականը, պատասխանելու ենք բոլոր հարցերին, լսելու ենք ձեր առաջարկներն ու միասին քննարկելու ենք համայնքի ապագան։
Հիմա ուզում եմ առանձնացնել մեր ծրագրի հիմնական ուղենիշները
- բնակիչների կարիքների առաջնահերթություն,
- բնակավայրերի համաչափ զարգացում,
- թափանցիկ և հաշվետու կառավարում,
- արդյունավետ և պատասխանատու բյուջետային քաղաքականություն,
- ենթակառուցվածքների շարունակական բարելավում,
- երիտասարդների և ընտանիքների աջակցություն,
- գյուղատնտեսության և տեղական տնտեսության զարգացում,
- մշակութային և բնական ժառանգության պահպանում,
- համայնքի զարգացման գործում քաղաքացիների ակտիվ մասնակցություն
Ակնկալում ենք ձեր բոլորի վստահության քվեն՝ միասին նպաստելու Մեղրի համայնքի խաղաղ զարգացմանը։։
Բարի ընթացք մեր թիմին ու ընտրապայքարի մեջ մտած բոլոր ուժերին»,-գրել է Սերգո Գալստյանը։
0 Մեկնաբանություն