Սյունեցի լուսանկարիչ Նավասարդ Խաչատրյանը ֆեյսբուքի իր էջում շնորհավորել է Սյունիքի մարզպետի ծննդյան օրը։ Նավասարդը նաեւ լուսանկար է տեղադրել։
«Շնորհավոր Ձեր ծննդյան օրը` սիրելի մարզպետ:
Ձեզ` որպես անհատ, որպես անձ, միայն քաջառողջություն կարող եմ մաղթել, որովհետեւ Ձեր առողջությունն է՝ որ միայն Ձերն է:
Մնացած բոլոր այն մաղթանքները, որոնք կարող եմ հղել Ձեզ, ու բոլոր այն մաղթանքները՝ որոնք գոյություն ունեն առհասարակ, Ձեզ հղելով` դրանք նաեւ ինձ են ուղղված լինելու, մեզ ուղղված են լինելու, մեր Սյունիքին ուղղված են լինելու, մեր Հայրենիքին ուղղված են լինելու:
Քանի որ Դուք այն մարդկանցից եք` ով բոլորինս եք:
Եթե Դուք հասնում եք հաջողությունների, այդ հաջողությունները բոլորինս են նաեւ:
Եթե Դուք դժվարություններ եք հաղթահարում, այդ հաղթանակներն էլ են բոլորինս։
Եթե Դուք ուժ եք գտնում առաջ գնալու, այդ ուժը դառնում է նաեւ հենց մերը։
Եթե Դուք ճիշտ որոշում եք կայացնում, դրա պտուղները վայելում ենք բոլորս։
Որովհետեւ Ձեր զբաղեցրած պաշտոնը պարզապես պաշտոն չէ, այն աթոռին որին դուք նստում եք, պարզապես աթոռ չէ։ Դա պատասխանատվություն է մեր հանդեպ, մեր ճակատագրերի ու կյանքերի հանդեպ: Դա վստահություն է, որ տրված է Ձեզ` իմ կողմից, մեր կողմից, ժողովրդի կողմից:
Եվ ի ուրախություն բոլորիս, Դուք այդ վստահությունը կրում ու տանում եք պատվով ու պատասխանատվությամբ։
Մաղթում եմ, որ Ձեր ճանապարհին հանդիպած բոլոր հաջողությունը լինեն ոչ թե պատահական, այլ՝ օրինաչափ:
Թող Ձեր կատարած յուրաքանչյուր գործը ծառայի մարդուն, Սյունիքին ու Հայաստանին։
Եվ թող Ձեր ծննդյան այս մի տարեդարձն էլ լինի նոր ուժի, նոր կամքի ու նոր հաղթանակների սկիզբ։
Կրկին` շնորհավոր Ձեր ծննդյան տարեդարձը»,-գրել է Նավասարդը։
0 Մեկնաբանություն