.jpg)
Տաթեւի վարչական ղեկավար Գոռ Մինասյանի ու նույն գործով մեղադրյալ Գեւորգ Հարությունյանի նկատմամբ հարուցված քրեական վարույթով, նախնական դատալսումների նիստը կկայանա օգոստոսի 13-ին, ժամը 11-ին, Սյունիքի մարզի ընդհանուր իրավասության դատարանի Գորիսի նստավայրում։ Նախագահող դատավորը Գոռ Գասպարյանն է:
Նշենք, Գեւորգ Մարտիրոսյանին մեղադրանք է առաջադրվել ՀՀ քրեական օրենսգրքի երեք հոդվածների հատկանիշներով․ 171 հոդվածի 2-րդ մասի 5-րդ կետ (առողջությանը թեթեւ վնաս պատճառելը՝ մի խումբ անձանց կողմից), 207 հոդվածի 1-ին մաս (բնակարանի անձեռնմխելիությունը խախտելը), 297 հոդվածի 2-րդ մասի 1-ին կետ (խուլիգանությունը, որը կատարվել է մի խումբ անձանց կողմից ): Գոռ Մինասյանին նույնպես երեք հոդվածով է մեղադրանք առաջադրվել՝ 171 հոդվածի 2-րդ մասի 5-րդ կետ, 297 հոդվածի 2-րդ մասի 1-ին կետ եւ 264 հոդվածի 2-րդ մասի 5-րդ կետ (գույքը ոչնչացնելը կամ վնասելը, որը կատարվել է խուլիգանական դրդումներով):
Երկու մեղադրյալները կալանավորված են։
Նշենք, որ Տաթեւ համայնքի բնակիչները, համայնքի ավագանին բաց նամակով դիմել էին ՀՀ վարչապետ Նիկոլ Փաշինյանին եւ այլ պատկան մարմիններին՝ խնդրելով դիտարկել Գոռ Մինասյանի խափանման միջոցը փոխելու հարցը։
0 Comments