Կապան համայնքի ավագանու «Քաղաքացիական պայմանագիր» խմբակցությունը դիմել է համայնքի ղեկավար Գեւորգ Փարսյանին՝ Բաղաբուրջի հուշահամալիրի նորոգման հարցն ընդգրկելու համայնքային առաջնահերթ ծրագրերի մեջ։ Այս մասին ֆեյսբուքյան իր օգտահաշվում տեսանյութով տեղեկացրել է խմբակցության ղեկավար Լավրենտ Ստեփանյանը։
Հիշեցնենք, որ Բաղաբուրջի հուշահամալիրում ամփոփոխված են հայրենիքի պաշտպանության համար նահատակված կապանցիները, հուշահամալիրի տարածքում նաեւ 1941-1945թթ․ Հայրենական մեծ պատերազմում զոհվածների հիշատակն անմահացնող հուշարձանն է ու 1915թ․ Հայոց մեծ եղեռնի զոհերի հիշատակին կանգնեցված հուշակոթողը։
«Հուշահամալիրի անբարեկարգ վիճակի հարցը վաղուց էր մտահոգում մեզ։ Հանդիպել ենք բնակիչների հետ, լսել նրանց ու դիմեցինք համայնքի ղեկավարին։ Բաղաբուրջի հուշահամալիրը Կապանի պատմական հիշողության կարևոր մաս է։ Այն կրում է անցյալի ցավն ու արժանապատվությունը, նահատակների հիշատակը և համայնքի ինքնությունը»,-տեսանյութում նշել է ՔՊ խմբակցության ղեկավար Լավրենտ Ստեփանյանը։
Մանրամասները՝ տեսանյութում։
How to Share With Just FriendsHow to share with just friends.
Posted by Facebook on Friday, December 5, 2014
0 Comments