.jpg)
Երեւանում սպասվող System of a Down (SOAD) ռոք խմբի համերգը հուլիսին չի կայանա, սակայն այն մնում է օրակարգում, ֆեյսբուքի իր էջում հայտնել է ՀՀ կրթության, գիտության, մշակույթի եւ սպորտի նախարար Ժաննա Անդրեասյանը։
Նախարարը պարզաբանել է, որ կողմերը երկուստեք ցանկություն ունեն համերգը կազմակերպել Հայաստանում եւ դիտարկել են հուլիսյան տարբերակը, սակայն ծրագրերը փոխվել են տեխնիկական պատճառներով։
«Այդուհանդերձ որոշ կազմակերպչական եւ ժամանակային հարցեր հնարավոր չեն դարձնում հուլիսին համերգի կազմակերպումը։ Բայց համերգը մնում է օրակարգում եւ առաջիկայում խմբի հետ կհամաձայնեցնենք դրա անցկացման ժամկետները»,- նշել է Անդրեասյանը։
Երեւանում SOAD-ի հավանական համերգի մասին ավելի վաղ հայտարարել էր «Քաղաքացիական պահմանագիր» կուսակցության վարչապետի թեկնածու Նիկոլ Փաշինյանը՝ նախընտրական քարոզարշավի ժամանակ։
0 Մեկնաբանություն