Մարդու իրավունքների պաշտպան Անահիտ Մանասյանը Սյունիք կատարած աշխատանքային այցի շրջանակում մայիսի 24-ին հանդիպել է սահմանամերձ Ներքին Հանդ բնակավայրի վարչական ղեկավար Խաչատուր Բաղդասարյանի եւ բնակիչների հետ:
Քննարկվել են մարդկանց իրավունքներին վերաբերելի եւ հրատապ լուծում պահանջող մի շարք հարցեր:
Մասնավորապես, անդրադարձել են բնակիչների զբաղվածության ապահովմանը, նոր կառուցվող ջրագծին, ինչպես նաեւ գերեզմանատանը, եկեղեցուն հասանելիություն ունենալու հետ կապված եւ մի շարք այլ հարցերին:
Քաղաքացիները Պաշտպանին մտահոգություններ են հայտնել, որ ադրբեջանական զինվորականների ներկայության հետեւանքով շարունակում են խախտվել նրանց` անվտանգ պայմաներում ապրելու, սեփականության իրավունքները, խոչընդոտված են ընտանիքների եկամտի հիմնական աղբյուրը հանդիսացող` անասնապահությամբ զբաղվելու, արոտավայրերն օգտագործելու հնարավորությունները։
Անահիտ Մանասյանը վստահեցրել է բնակիչներին, որ սահմանամերձ բնակավայրերի բնակիչների իրավունքների պաշտպանությունն իր աշխատանքի առաջնային ուղղություններից է: Իր մանդատի շրջանակում անելու է առավելագույնը բարձրացված հարցերին հրատապ լուծում տալու նպատակով:
Պաշտպանի եւ աշխատակազմի կողմից սահմանամերձ բնակավայրերում իրականացվող փաատահավաք աշխատանքները կրում են շարունակական բնույթ:
![](https://marzer.am/storage/news/May2024/AeAJdd9T9I1mJDBUZzqy.jpg)
![](https://marzer.am/storage/news/May2024/SBmkbx6Pwhyr7LaTROav.jpg)
![](https://marzer.am/storage/news/May2024/57QSbEzG8tUsoSFktXM1.jpg)
![](https://marzer.am/storage/news/May2024/TnnNuXwEp8ZoA7LdiJxN.jpg)
0 Մեկնաբանություն