Մամիկոն Ասլանյանի խափանման միջոցը չփոխեցին
Դատարանը մերժել է Վանաձորի նախկին քաղաքապետ Մամիկոն Ասլանյանի խափանման միջոց կալանքը փոխելու միջնորդությունը։
Այս մասին տեղեկացրել է Մամիկոն Ասլանյանի փաստաբան Ռուբեն Մելիքյանը։
Ըստ փաստաբանի՝ դատարանը մերժել է միջնորդությունը, հետեւաբար Մամիկոն Ասլանյանը, որն արդեն 2 տարի 4 ամիս գտնվում է անազատության մեջ, կշարունակի մնալ կալանավորված։
Մամիկոն Ասլանյանը կալանավորվել է 2021 թվականի դեկտեմբերից։
Վանաձորի նախկին քաղաքապետին մեղադրանք է առաջադրվել պաշտոնավարման ընթացքում իր լիազորությունները չարաշահելու, պաշտոնեական կեղծիք կատարելու, հանրորեն վտանգավոր արարքներ գործելու հոդվածներով։
Մամիկոն Ասլանյանը չի ընդունում իրեն առաջադրված մեղադրանքները։
Նարեկ Մանասյանը հաղթել է Ադրբեջանի ներկայացուցչին
Հայաստանի բռնցքամարտի տղամարդկանց թիմի անդամ Նարեկ Մանասյանը կպայքարի Եվրոպայի առաջնության չեմպիոնի կոչման համար:
«Արմենպրես»-ի հաղորդմամբ` Սերբիայի մայրաքաղաք Բելգրադում ընթացող Եվրոպայի առաջնության տղամարդկանց 92 կգ քաշային կարգի կիսաեզրափակիչում Մանասյանը մրցեց Ադրբեջանը ներկայացնող Ալֆոնսո Լորենի հետ ու գերազանցեց նրան: 92 կգ քաշային կարգի եզրափակիչը կկայանա ապրիլի 27-ին:
Ավելի վաղ բռնցքամարտի Եվրոպայի առաջնությունում կանանց ընտրանու անդամներ Անի Հովսեփյանը եւ Անուշ Գրիգորյանը դարձել էին բրոնզե մեդալակիրներ: Իսկ տղամարդկանց ընտրանու կազմում ԵԱ-ի բրոնզե մեդալակիրներ դարձան Արթուր Բազեյանը, Արթուր Սահակյանը եւ Արարատ Հարությունյանը:
Երեւանում անհնազանդության ցույցեր են․ news.am
Երեւանում տարբեր հատվածներում քաղաքացիները ահնազանդության ակցիաներ են իրականացնում: Մասնավորապես, քաղաքացիները վաղ առավոտյան փակել են Ազատության պողոտան՝ ի աջակցություն տավուշցիների։ Մեծ բեռնատարը լայնությամբ կանգնել է եւ փակել պողոտան:
Բացի դրանից Դավթաշենում եւս ինքնաբուխ իրազեկման ակցիա իրականացվեց. քաղաքացիները 15 րոպեով փակեցին ճանապարհը:
«Սա միայն Տավուշի ռազմավարական տարածքների հարց չէ, սա ողջ հայության ու Հայաստանի հարցն է»,-նշում են նրանք։
Երևանիցները «Հողատու՛, Նզովյա՛լ, Դավաճա՛ն» գրություններով պաստառներ են փակցրել Երևանի վարչական շրջաններում