«Հողի վրա մեր գտնվելու վայրը չգիտենք, բայց խոսում ենք պատմական քարտեզների անճշտությունից»․ Սարգիս Խաչատրյան
Լրագրող-բլոգեր Սարգիս Խաչատրյանը ֆեյսբուքի իր էջում գրել է․
«Հայոց Պատմության դասագրքի, մեր պատմական քարտեզների շուրջ բարձրացած աղմուկը ինձ ստիպեց մի բան հիշել:
Առաջին օրը, երբ մտա զորամաս ծառայության առաջին օրը ինձ մի բան էր հետաքրքիր, որ կողմում է հակառակորդը, որն է մեր թիկունքը ու ինչ շփման գիծ ունենք էդ հատվածում և՛ քարտեզի վրա և՛ գետնի վրա: Իհարկե, շատ լավ իմանալով Հադրութ քաղաքի տեղադիրքը, լավ հասկանում էի հիմնական ուղղությունները : Բայց մարտավարական իրավիճակին տիրապետելը լռիվ այլ պատմություն է: Ու երկար ուսումնասիրելուց հետո որոշեցի ծառայակիցներիս հարցեր տալ: Նաև օգտագործելով զգացմունքային պահը:
Արդյոք նրանք գիտեի՞ն նրանց մշտական տեղակայման վայրը քարտեզի վրա: Իհարկե ոչ:
ԲԴԽ-ն հայտնել է 2 դատավորի լիազորությունների կասեցման մասին
Բարձրագույն դատական խորհրդի որոշմամբ, սեփական դիմումի հիման վրա, դադարել են Վերաքննիչ քրեական դատարանի դատավոր Կարեն Մարդանյանի եւ Վճռաբեկ դատարանի հակակոռուպցիոն պալատի դատավոր Սերգեյ Մարաբյանի լիազորությունները: Այս մասին տեղեկացնում է ՀՀ բարձրագույն դատական խորհուրդը։
«Հավելենք, որ Դատական օրենսգրքով նախատեսված կարգով, Սերգեյ Մարաբյանի լիազորությունները դադարում են նաեւ Դատավորների ընդհանուր ժողովի Էթիկայի եւ կարգապահական հարցերի հանձնաժողովի նախագահի պաշտոնում»,- ասված է հաղորդագրության մեջ։
Գրիգոր Մինասյանը Եվրահանձնաժողովի փոխնախագահին ներկայացրել է Հայաստանում տեղի ունեցող դատաիրավական բարեփոխումները
Արդարադատության նախարար Գրիգոր Մինասյանը Բելգիայի Թագավորությունում հանդիպել է Եվրոպական հանձնաժողովի փոխնախագահ, Արժեքների և թափանցիկության հարցերով հանձնակատար Վեռա Յուրովայի հետ։
Այս մասին հաղորդագրություն է տարածել ՀՀ արդարադատության նախարարությունը։
Գրիգոր Մինասյանը շնորհակալություն է հայտնել Եվրոպական միության կողմից արդարադատության ոլորտին տրամադրված զգալի աջակցության համար, որն ուղղված է ժողովրդավարության, մարդու իրավունքների երաշխավորման և օրենքի գերակայության վրա հիմնված կառուցակարգերի զարգացմանը։ Նախարարը նաև բարձր է գնահատել Եվրոպական հանձնաժողովի հետ արդյունավետ համագործակցությունը և վերջիններիս Հայաստան իրականացրած փաստահավաք առաքելության այցը։ Գրիգոր Մինասյանն ընդգծել է Հայաստանի հետ համագործակցությունն առավել խորացնելու ԵՄ հանձնառությունը և հավելել, որ Գործընկերության նոր օրակարգի ընդունումն արդարադատության ոլորտում առկա սերտ համագործակցության ընդլայնման կարևոր խթան կհանդիսանա։ Արդարադատության նախարարը նաև անդրադարձ է կատարել ՀՀ-ԵՄ գործընկերության խորհրդի արդյունքներով համատեղ հայտարարությանը, որով վերահաստատվել է մարդու իրավունքներին, օրենքի գերակայությանը և ժողովրդավարական սկզբունքներին, ատելության խոսքի և ապատեղեկատվության դեմ պայքարում ՀՀ-ԵՄ համատեղ հանձնառությունը։ Գրիգոր Մինասյանը ներկայացրել է նաև դտաիրավական և մարդու իրավունքների պաշտպանության ոլորտի բարեփոխումները, անդրադարձել հակակոռուպցիոն ոլորտում ՀՀ առաջընթացին ու միջազգային ցուցանիշներում գրանցած հաջողություններին։
Եվս մեկ նոր կուսակցություն Հայաստանում․ «Հրապարակ»
«Հրապարակ» օրաթերթը գրում է. «Հայաստանում շուտով եւս մեկ կուսակցություն կծնվի՝ ՀԺՊԿ անունով՝ Հանուն ժողովրդավարական պետականության կուսակցություն։ Փետրվարի 11-ին տեղի է ունեցել կուսակցության հիմնադիր համագումարը, հիմնել է Արսեն Սարգսյանը, ով մեզ ասաց, որ կուսակցությունը հիմնադրվել է «Արատտա-Վան» հայրենասիրական, բարեգործական, իրավապաշտպան ՀԿ-ի հիմքի վրա: Սարգսյանը ՀԿ-ի հիմնադիրն է նաեւ։ Նա ասաց, որ այս պահին կուսակցությունը դեռ պետական գրանցում չունի, իսկ նրա քաղաքական գծի մասին կխոսի, երբ այն գրանցվի։
Նորաբաց կուսակցության ֆեյսբուքյան էջի գրառումներից մեկում Արսեն Սարգսյանը մարդկանց հրավիրում է միանալ իրենց․ «Ո՛վ Հայ ժողովուրդ, մեր փրկությունը միաբանության մեջ է, Հանուն Հայրենիքի, Հանուն Ժողովրդիս բարօրության, եթե դո՛ւ չես սակարկում ՀՀ ինքնիշխան սուվերեն տարածքային ամբողջականությունը, եթե դո՛ւ չես ուրացել սուրբ Արարատը` կարող ես միանալ մեզ»։