Այսօր՝ ավանդույթի համաձայն, ՀՀ Ներքին գործերի նախարարության փրկարար ծառայությունը հերթական անակնկալն էր պատրաստել «Սուրբ Գրիգոր Լուսավորիչ» բժշկական կենտրոնի ծննդատանը գտնվող հղի կանանց համար։

Ինչպես հայտնում է shamshyan.com-ը , ծննդատուն էին այցելել ՀՀ ՆԳՆ փրկարար ծառայության հատուկ նշանակության փրկարարական աշխատանքների իրականացման կենտրոնի փրկարարները, ովքեր դեռ ՀՀ Արտակարգ իրավիճակների նախարարությունում աշխատաելու ժամանակվանից ձեռք են բերել չորս հրացանակիրներ՝ «Աթոս, Պորտոս, Արամիս եւ Դարտանյան» անունները։

Հրացանակիրների հետ էին նաեւ ՀՀ ՆԳՆ փրկարար ծառայության տնօրենի տեղակալ Տիգրան Պետրոսյանն ու ՓԾ հատուկ նշանակության փրկարարական աշխատանքների իրականացման կենտրոնի պետ Հայկ Նաղդալյանը։

Արդեն տեղում պարզվեց, որ փրկարարները ժամանել էին ծննդատուն եւ տանիքից հատուկ ճոպաններով իջան ու ծեծելով հիվանդասենյակների պատուհանները շնորհավորեցին ապագա մայրերի «Մարտի 8»-ը եւ նրանց փոխանցեցին վարդեր։

Ֆոտոլրագրող Գագիկ Շամշյանիի հետ զրույցում մայրերն ասում էին․ «Իսկական անակնկալ։ Պարզվում է՝ մեր փրկարարները ոչ միայն մարդ են փրկում, ինչին բազմաթիվ անգամ ականատես ենք եղել, այլ նաեւ կարողանում են նման անկակնալ մատուցել»։

Կայքը հիշեցնում է, որ  այս գեղեցիկ ավանդույթի կնքահայրը Արտակարգ իրավիճակների նախարար, գեներալ-մայոր, երջանկահիշատակ, իսկական հայ, լեգենդ դարձած  Արմեն Երիցյանն էր, որից հետո այն շարունակեց Արտակարգ իրավիճակների նախկին նախարար, մեծատառով հայ մարդ, իրավապահ համակարգում եւ ժողովրդի մոտ մեծ հեղինակություն վայելող, գեներալ-մայոր Ֆելիքս Ցոլակյանը ու հիմա այդ ավանդույթը շարունակում են ՀՀ Ներքին գործերի նախարար Վահե Ղազարյանն ու ՀՀ ՆԳՆ փրկարար ծառայության տնօրեն Կամո Ցուցուլյանը։

Գեղեցիկ ավանդույթի համաձայն՝ մարտի 8–ին, Կապանի մշակույթի կենտրոնի մեծ համերգասրահում տեղի է ունեցել տոնական համերգ՝ նվիրված Կանանց միջազգային օրվան։

Հանդիսությունը՝ դահլիճում ներկա կանանց ուղղված իր շնորհավորանքի եւ գնահատանքի խոսքով բացել է համայնքի ղեկավար Գեւորգ Փարսյանը, որից հետո պատվոգրով, շնորհակալագրով եւ ՀՀ Կենտրոնական բանկի կողմից թողարկված հուշադրամով պարգեւատրվել են Սյունիքի մարզի «Կապան» նոտարական տարածքի նախկին նոտար Վիեննա Հայրապետյանը, երկարամյան մանկավարժ Մարո Փարսադանյանը, Սյունիքի մարզպետարանի առողջապահության եւ սոցիալական ոլորտի հարցերի վարչության պետ Նունե Գեւորգյանը, «Կապանի մանկական կենտրոն» ՀՈԱԿ–ի տնօրեն Մայա Միրզոյանը, «Հայաստանի էլեկտրական ցանցեր» ՓԲԸ «Տաթեւ» մասնաճյուղի համակարգչային բաժնի պետ Սոնա Հովհաննիսյանը, «Կապանի մշակույթի կենտրոն» ՀՈԱԿ–ի գեղարվեստական ղեկավար Աստղիկ Գրիգորյանը, «Ձորք» թաղամասի համատիրության նախագահ Սեդա Ավետիսյանը եւ ՀՀ ՊՆ Կապանի զորամասի զինծառայող, մայոր Սիլվա Հովհաննիսյանը՝ իրենց ոլորտում ունեցած ավանդի, բարեխիղճ եւ արդյունավետ աշխատանքի համար։

Միջոցառման հանդիսավոր մասի ավարտից հետո հանդիսատեսը հաճույքով վայելել է Կապանի ժողնվագարանների, «Զանգեզուր» ժողովրդական պարային անսամբլների, էստրադային նվագախմբի մենակատարների գեղեցիկ կատարումներով։

Քրեակատարողական ծառայությունը շնորհավորել է ազատազրկված կանանց գարնանային գեղեցիկ տոնի՝ Մարտի 8-ի առթիվ: Այս մասին տեղեկացնում է ծառայության հանրային կապերի բաժինը։

«Կանանց միջազգային օրվա առթիվ Քրեակատարողական ծառայությունը, Ծառայության պետ, արդարադատության գնդապետ Ամբակում Գրիգորյանի գլխավորությամբ, շնորհավորում է բոլոր հայ կանանց, մայրերին, քույրերին, ինչպես նաեւ այս պահին անազատության մեջ գտնվող կանանց։

Տոնի կապակցությամբ «Աբովյան» քրեակատարողական հիմնարկի պետ, արդարադատության փոխգնդապետ Հեղինե Մարտիրոսյանը Քրեակատարողական ծառայության պետի անունից շնորհավորել է ազատազրկված կանանց եւ ծաղիկներ նվիրել` մաղթելով նրանց աննկուն կամք, քաջառողջություն, ինչպես նաեւ շուտափույթ ազատում, որտեղ կլինեն գնահատված եւ շրջապատված հարազատների անսպառ ուշադրությամբ ու հոգատարությամբ»,-ասված է հաղորդագրության մեջ։

Մայր Աթոռ Սուրբ Էջմիածնից Կանանց տոնի առիթով Հայրապետական Մեր օրհնությունն ենք բերում և շնորհավորում բոլոր տիկնանց և օրիորդաց՝ ի Հայաստան և ի Սփյուռս։

Կնոջ դերը միշտ արժևորվել է մեր ժողովրդի կյանքում, հատկապես կարևորվել նրա առաքելությունը ընտանիքում զավակների դաստիարակության, սերունդների կրթության գործում։ Այսօր, երբ ընդլայնվել են կանանց գործունեության ոլորտները, արդարև, մեծ է մեր մայրերի ու քույրերի ավանդը ազգային և եկեղեցական կյանքում։

Ներկայիս մեր հայրենիքն ու համայն հայությունը կանգնած են բարդ մարտահրավերների առջև։ Դժվարին այս ժամանակներում առավել նվիրում ու խնամք է պահանջվում՝ հանուն ազգային-հոգևոր արժեքների զորացման, աշխարհասփյուռ մեր ժողովրդի համերաշխության ու միասնականության ամրապնդման և մեր երկրի խաղաղ ու բարօր գալիքի կերտման։

Մեծազնիվ տիկնայք և օրիորդներ, Իջման Սուրբ Սեղանի առջև հանապազ Մեր աղոթքն ու մաղթանքն է, որ Աստված Իր օրհնության ներքո պահպանի ձեզ հույսով ու հավատով առլեցուն, հաստատուն՝ բարի գործերի ու առաքինությունների մեջ և քաջառողջ ու երջանիկ՝ ձեր ընտանիքների ու սիրելիների հետ:

Մեր Տեր Հիսուս Քրիստոսի սերը, շնորհները և ողորմությունը թող միշտ լինեն ձեզ հետ. ամեն։

Օրհնությամբ`

ԳԱՐԵԳԻՆ Բ

ԿԱԹՈՂԻԿՈՍ ԱՄԵՆԱՅՆ ՀԱՅՈՑ

ՀՀ վարչապետ Նիկոլ Փաշինյանը շնորհավորական ուղերձ է հղել Մարտի 8-ի առիթով․

«Սիրելի կանայք,

Շնորհավորում եմ բոլորիդ և յուրաքանչյուրիդ Մարտի 8-ի՝ կանանց տոնի առիթով: Խոսելով կանանց մասին՝ մենք խոսում ենք Հայաստանի Հանրապետության բնակչության մեծամասնության մասին, որովհետև Հայաստանի Հանրապետության բնակչության 53 տոկոսը կանայք են:

Ու ինձ համար, որպես երկրի վարչապետ, այս օրը նախևառաջ մեր երկրի զարգացման գործում կանանց պոտենցիալի լիարժեք ներգրավման մասին ևս մեկ անգամ խորհելու առիթ է: Ի սկզբանե էլ Մարտի 8-ը հիմնադրվել է կանանց աշխատանքային, քաղաքական, կրթական և այլ իրավունքների պաշտպանության համատեքստում, ու նաև սա է այդ ընկալման պատճառը:

Մեր կառավարության համար առաջնահերթություն է պետական կառավարման, իրավապահ, անվտանգային, տնտեսական, քաղաքական, գիտական և այլ ասպարեզներում կանանց առավելագույն ներգրավման համար հնարավորություններ ստեղծելը, որովհետև ակնհայտ է, որ առանց այդ պոտենցիալի լիարժեք կիրառման, մեր երկրի զարգացման հնարավորություններն էականորեն կկրճատվեն:

Այսօր ուրախությամբ և հպարտությամբ ենք արձանագրում, որ Հայաստանի բազմաթիվ կանայք ներգրավված են տնտեսական գործունեության մեջ և ամենօրյա ստեղծարար աշխատանքով արժեք են ստեղծում, հարկեր վճարում: Այսօր բազմաթիվ կանայք ներգրավված են իրավապահ համակարգում, ծառայում են ոստիկանությունում և բանակում, ու մենք ուզում ենք, որ նրանց թիվը մեծանա, որովհետև դա բխում է մեր երկրի շահերից:

Այսօր բազմաթիվ կանայք պետական բարձր պաշտոններ են զբաղեցնում: Ու կարևոր է նաև ընդգծել, որ այդ պաշտոններում նրանց հայտնվելու պատճառը կին լինելը չէ, այլ լավ մասնագետ, կառավարիչ, կազմակերպիչ, գործիչ լինելը:

Սյունիքի մարզպետ Ռոբերտ Ղուկասյանի շնորհավորանքի խոսքը Մարտի 8-ի առթիվ․

«Սիրելի՛ հայուհիներ