ԶՊՄԿ ՓԲԸ գլխավոր տնօրեն Ռոման  Խուդոլիի ուղերձը` Աշխատա նքի միջազգային օրվա կապակցությամբ:

«Հարգելի գործընկերներ,

Շնորհավորում եմ ԶՊՄԿ-ի բոլոր աշխատակիցներին, գործընկերներին եւ ոլորտի բոլոր ներկայացուցիչներին Աշխատանքի օրվա կապակցությամբ:

Ցանկանում եմ շնորհակալություն հայտնել բոլորին եւս մեկ արդյունավետ աշխատանքային տարվա, բարդությունների համատեղ հաղթահարման, համագործակցության եւ ձեռքբերումների համար։

ԶՊՄԿ-ի 70-ամյա պատմությունն իրենց արհեստի վարպետների սերունդների պատմությունն է, մարդկանց, ովքեր կերտել են եւ շարունակում են միասին կերտել հայկական արդյունաբերության հսկայի պատմությունը, աշխատանքի արժեքը գիտակցող եւ ձեռքբերումներով հպարտացող տղամարդկանց եւ կանանց պատմություն է:

Այսօր ԶՊՄԿ-ում աշխատում է ավելի քան 4600 մարդ:

Մեր ոլորտից դուրս քչերը գիտեն, որ յուրաքանչյուր ուղղակի աշխատատեղը հանքարդյունաբերությունում ստեղծում է 3-5 անուղղակի աշխատատեղ տարածաշրջանում: Հատկապես հպարտ ենք, որ Սյունիքի մարզը հանրապետությունում առաջատարն է աշխատավարձերի ցուցանիշով։ Դրանում մեծ դեր ունեն ոչ միայն ուղղակի, այլեւ մեր ընկերության շնորհիվ ստեղծված անուղղակի աշխատատեղերը։ Հենց անուղղակի աշխատատեղերն են կարեւոր բաղադրիչ հանդիսանում տնտեսական զարգացման, փոքր բիզնեսի բարգավաճման եւ այլ ոլորտների զարգացման համար:

Ոլորտից դուրս քչերը գիտեն, որ հանքարդյունաբերությունը՝ հատկապես ԶՊՄԿ-ի մասշտաբի ձեռնարկությունը, միավորում է ամենատարբեր մասնագիտությունների ներկայացուցիչների: Այսօր մեր ընկերությունում աշխատում են հանքարդյունաբերության, մետալուրգիայի եւ երկրաբանության շուրջ 300 որակավորված մասնագետներ, որոնց կողքին աշխատում են հարյուրավոր այլ մասնագետներ՝ ճարտարագետների, էներգետիկների, քիմիկոսների, տնտեսագետների, բնապահպանների, սոցիալական մասնագետների, իրավաբանների եւ այլ մասնագետների մեծ թիմ: Ուրիշ ո՞ր ոլորտում են նման տարբեր մասնագիտությունների ներկայացուցիչներ, շարքային աշխատողների հետ ուս-ուսի նույն գործն անում։

Առջեւում նոր, հավակնոտ նպատակներն են։ Կառավարման օպտիմալացումից եւ արտադրության ընդլայնումից մինչեւ գործընթացների թվայնացում եւ ձեռնարկության արդիականացում։ Սրանք նպատակներ են, որոնք ուղղված չեն միայն ձեռնարկության եւ երկրի տնտեսական ցուցանիշների բարելավմանը: Սա մեր ընդհանուր նպատակի ճանապարհն է՝ դառնալ օրինակելի ձեռնարկություն ոչ միայն երկրում եւ տարածաշրջանում, այլեւ համաշխարհային հանքարդյունաբերական ընտանիքում։

Այս նպատակին հասնելու համար կարեւոր է բոլորի աշխատանքը՝ սկսած ղեկավար կազմից մինչեւ շարքային աշխատակիցներ:

Շնորհավորում եմ բոլորին եւ նորանոր հաջողություններ եմ մաղթում աշխատանքային գործունեությունում»։